“EMAN IEZAIOZU LIKE BURU OSASUNARI. ONGIZATEAN HAZTEKO ESKUBIDEAREN ALDE”, aurtengo leloa gazteenei zuzenduta egongo da bereziki.

 Urriaren 10ean, urtero bezala, Buru Osasunaren Nazioarteko Eguna ospatzen dugu.
Aurten Nazioarteko Federazioak buru osasuna lehentasun global bihurtzeko aldarrikapen bat proposatzen du. Ildo horretan, baina gure gizartearen behar espezifikoetara egokituz, Espainiako Buru Osasun Konfederazioak haurren eta gazteen buru osasunean zentratzea proposatzen du, haurren, nerabeen eta gazteen buru osasuna betidanik ahaztua izan dela kontuan hartuta.

OMEren arabera, munduan 10-19 urteko 7 pertsonatik batek du buruko gaixotasunen bat. Pandemiak areagotu egin du arazo hori, ez baitzioten jaramonik egin, eta % 47ko igoera eragin du adingabeen buru osasuneko nahasmenduetan (AEP, 2022). Espainian, % 59 igo dira portaera suizidak 2019arekin alderatuta (2020an 15 urtetik beherako 14 haurrek egin zuten beren buruaz beste, aurreko urtean halako bi).

Baliabide ekonomikorik eta giza baliabiderik ezaren ondorioz, gazteen buru osasunaren arreta eskasa da, eta gizarte gisa ezin dugu beste aldera begiratu.

ASAFESek bat egiten du aldarrikapen horrekin, eta haurren eta gazteen buru osasuna artatzeko premia dagoela ikusarazteko beharra berresten du.

Azken urtean, familiei eta profesionalei ematen zaien arretak orientazioa eta laguntza eskatzen du adingabeen eta gazteen buru osasuneko arazoetatik eratorritako egoeren aurrean: batez ere antsietate-arazoekin, auto lesioekin eta ideia suizidarekin lotutakoak.

Gainera, Buru Osasuna Euskadi Federazioak 2021ean egindako azterlanean baieztatzen denez (Haurrak, nerabeak eta buru osasuneko arazoak dituzten gazteak), ez dago baliabide nahikorik buru gaixotasun larria duten gazteak artatzeko.

ASAFESek Arabako biztanleen buru osasuna hobetzeko lan egiteko helburuz, gazteenei zuzendutako proiektuak eta programak garatu ditu. Horien artean dago ESPACIO JOVEN – ERROAK GAZTEGUNEA proiektua. 2020an sortu zen, eta Buru gaixotasuna duten gazteei eta haien inguruneari laguntzeko da. Proiektu horrek ekainean jaso zuen Arabako Foru Aldundiaren BeBai 2022 saria, eta elkarteak hainbat hitzarmen ditu harekin.

Gazteei zuzendua eskaintzen dugun beste programetako bat, Buru Osasuneko Sentsibilizazio eta Prebentzio Programa da, hezkuntza-arlorako. Gasteizko Udalak diruz laguntzen du programa, eta gazteen artean buru-osasuna sentsibilizatzea, sustatzea eta buru-nahasmenduak prebenitzea du helburu.

Bestalde, 2017tik, urtero jardunaldi tekniko bat antolatzen dugu profesionalentzat, gazteenen buru osasunarekin lotutako alderdiak lantzeko eta gai horren inguruan jardunbide egokiak partekatzeko.

JARDUERA:
Irailaren 11n ospatu zen III Ibilaldi Solidarioaz gain, egun hau ospatzeko ASAFESek ate irekien jardunaldiak eskaintzen ditu bere egoitzetan, komunitatera hurbildu eta elkartean egiten duguna azaldu ahal izateko.

Bertara joateko izena eman behar da, bisita antolatu eta edukiera kontrolatu ahal izateko. Horretarako, egoitza bakoitzeko harremanetarako pertsonari dei edo idatz dakioke:

– ASAFES EGOITZA NAGUSIA (Amadis kalea, 2) 2022/10/10ean, 12: 00etan. Harremanetarako pertsona: Fatima. Tel.: 945288648/acogida@asafes.org

– ARGIBIDE EGUNEKO ZENTROA/PSIKOHEZKUNTZA PROGRAMA (Lubiana kalea 1, behea) 2022/10/13an, 17: 00etan. Harremanetarako pertsona: Raquel. Telefonoa: 945069402/cdargibide5@asafes.org

– EEE ENPLEGUA RAEP/PILA/OKUPAZIONALA (Gamarrako Atea kalea 36, 20. pabiloia)
2022/10/14an, 12: 00etan. Harremanetarako pertsona: Arrate. Telefonoa: 945771501/ocupacional@asafes.org
Jarduera hau edozein arlotako profesionalei zuzenduta dago baita ikasle eta boluntarioei.

Gainera, ASAFESeko ordezkaritza bat Buru Osasuna Euskadik Bilbon antolatutako ekitaldira joango da, urriaren 10ean.