IBILALDI SOLIDARIOA: eskuz esku buru osasunaren alde

HEMEN DAGO ASAFESEN IBILALDI SOLIDARIOA!

ASAFESek (Buruko Gaixotasuna duten Pertsonen eta Senideen Arabako Elkartea) eta Vital Fundazioak «De la mano por la salud mental» izeneko VI. ibilaldi solidarioa antolatu dute urriaren 26rako. Nazioarteko Osasun Mentalaren Munduko Eguna dela eta (hilaren 10ean), ekimen honen helburua gaixotasun honen garrantzia ikusaraztea eta berarekin batera doan estigma haustea da. Vital Fundazioaren laguntza nagusiaz gain, ibilaldiak Gasteizko Udalaren, Arabako Foru Aldundiaren eta Eusko Jaurlaritzaren laguntza du.

Ibilbidea, bost kilometrokoa, eta parte hartu nahi duten pertsona guztien gaitasunetara egokitutako erritmoan, 10:30ean irtengo da Espainia Plazatik. Santuraino iritsi ondoren, Armentian, abiapuntura itzuliko da, eta aire zabaleko jarduerak, haurrentzako jarduerak, musika eta sarien zozketa antolatu dira bertan.

Aurten, Euskadiko Osasun Mentalak «Inoiz ez da goizegi edo beranduegi» leloa proposatu du. Horren bidez, osasun mentaleko arazo batean dauden pertsona guztiak laguntza eskatzera animatu nahi dira, adina bereizi gabe.

Ibilaldi Solidarioan bildutako diru guztia osasun mentala sustatzen duten eta gaixotasun mentala duten pertsonen eta haien familien bizi-kalitatea hobetzen duten proiektu berritzaileetan inbertituko da.

Izen-emate bakoitzak 7 €-ko prezioa du eta kamiseta bat, zozketan parte hartzea eta hornidura barne hartzen ditu. El Corte Inglesen (kirol atala), ASAFESen egoitzan (Amadis kalea, 2), plazan bertan ekitaldia hasi baino lehen, edo online esteka honetan:

IZENA EMATEKO ESTEKA.

Urriaren 26an ikusiko dugu elkar!